Este portal está ideado para que tanto oriundos e foráneos, amantes da terra galega, das súas tradicións, lendas, costumes e festas populares, estean informados e ao tanto das novas que se sucedan ao redor deste intenso espectáculo colorista e cheo de vida, que converte a Verín durante os oito días en que se reparte nunha catarse colectiva.
É o Entroido de Verín, cita obrigada dentro do panorama cultural e turístico da provincia de Ourense, e como costume popular, que sorprende nun principio ao visitante, este pronto pasará de ser un mero espectador a participar de cheo neste gran evento popular, e é por esta razón pola que queremos convidarvos a gozar desta festa ancestral.
